جسٹس منصور علی شاہ نے قائم مقام چیف جسٹس پاکستان کے عہدے کا حلف اٹھا لیا، کیونکہ چیف جسٹس یحییٰ آفریدی چین میں ایک جوڈیشل کانفرنس کے لیے گئے ہیں۔ حلف برداری کی تقریب سپریم کورٹ کے ججز بلاک میں ہوئی، جہاں جسٹس منیب اختر نے حلف لیا۔
اسلام آباد: سپریم کورٹ کے سینئر جج جسٹس منصور علی شاہ نے قائم مقام چیف جسٹس پاکستان کے طور پر اپنے عہدے کا حلف اٹھا لیا ہے۔
تفصیلات کے مطابق، حلف برداری کی تقریب اسلام آباد میں سپریم کورٹ کے ججز بلاک میں منعقد ہوئی۔ اس موقع پر جسٹس منیب اختر نے جسٹس منصور علی شاہ سے قائم مقام چیف جسٹس پاکستان کا حلف لیا۔
واضح رہے کہ چیف جسٹس آف پاکستان جسٹس یحییٰ آفریدی اس وقت ایک ہفتے کے سرکاری دورے پر چین میں ہیں۔ وہ وہاں ایک جوڈیشل کانفرنس میں پاکستان کی نمائندگی کر رہے ہیں۔
